radiotavisupleba ახალი ამბები 
ბათუმში, ანბანის კოშკისა და „ალი და ნინოს“ ძეგლის მიმდებარე სანაპიროზე, ორი კატერი ერთმანეთს შეეჯახა.
„აჭარა თაიმსის“ ცნობით, კატერებზე მყოფი ადამიანები ზღვაში ჩავარდნენ.
წინასწარი ინფორმაციით, დაშავდა ხუთი ადამიანი, რომლებიც სასწრაფო სამედიცინო დახმარების ჯგუფებმა კლინიკაში გადაიყვანეს. მათ სიცოცხლისთვის საშიში ტრავმები არ აღენიშნებათ, წერს „ინტერპრესნიუსი“.
ადგილზე საგამოძიებო მოქმედებები მიმდინარეობს.
შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 275-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
