გაგრაში საქართველოს რუკიანი ქუდის გამო რუს ტურისტს განმარტების გაკეთება მოუწია

აფხაზურ ტელეგრამ არხებზე ვრცელდება სოჭში მცხოვრები რუსი ეროვნების 33 წლის ქალის ვიდეოჩანაწერი, რომელშიც  ამბობს, რომ 14 დღით გაგრაში ჩავიდა დასასვენებლად, სახლი იქირავა და გარშემო ყველაფერს იღებდა სოციალურ ქსელებში განსათავსებლად.

მისივე განმარტებით, ერთ-ერთ მის “სთორი”-ში ჩანს მისი ქუდი საქართველოს რუკის გამოსახულებით, თუმცა ამით რაიმე “პოლიტიკურ მინიშნებას” არ  ცდილობდა.

“ბოდიშს ვიხდი ამისთვის, თუმცა არანაირი პოლიტიკური მინიშნება არ მიცდია ამით. პირიქით, აფხაზეთს სუვერენულ, დამოუკიდებელ სახელმწიფოდ მივიჩნევ”, – ამბობს ქალი.