გადაწყვეტილება მიღებულია - დატოვებს თუ არა ვინისიუს ჟუნიორი მადრიდის "რეალს"

მადრიდის "რეალის" შემტევი ვინისიუს ჟუნიორი განაგრძობს კარიერას თავისი ამჟამინდელი კლუბის რიგებში და ზაფხულში ესპანურ გრანდს არ დაემშვიდობება.

ბოლოდროინდელ მედიაპუბლიკაციებში აქტიურად ვრცელდებოდა ინფორმაცია ბრაზილიელი ფეხბურთელის შესაძლო ტრანსფერზე საუდის არაბეთის ერთ-ერთ კლუბში, სადაც მისთვის მსოფლიოს ერთ-ერთ ყველაზე სარფიან და მაღალანაზღაურებად კონტრაქტს ამზადებდნენ.

არსებული ინფორმაციით, საუდის არაბეთის კლუბი ვინისიუსს სთავაზობდა ხუთწლიან კონტრაქტს, რომლის ჯამური ღირებულება ერთ მილიარდ ევროს აღწევდა. თუმცა, როგორც ესპანური რადიო Cadena SER იუწყება, ფეხბურთელმა უარი თქვა ასეთი გრძელვადიანი ხელშეკრულების გაფორმებაზე. მისი პოზიცია დაათვლიერა არაბულმა მხარემაც, რომელმაც არ მოისურვა დიდი თანხის გადახდა მოთამაშისთვის, რომელიც რამდენიმე წლის შემდეგ, დიდი ალბათობით, ქვეყანას დატოვებდა.

ესპანელი სპორტული ჟურნალისტის, მანუ კარენიოს ცნობით, "რეალი" ოფიციალურად გაახმოვანებს ვინისიუსთან ახალი კონტრაქტის გაფორმების ამბავს მიმდინარე სეზონის დასრულების შემდეგ. ამჟამად მოქმედი შეთანხმება 2027 წლის ზაფხულამდეა ძალაში, მაგრამ ის სავარაუდოდ გაგრძელდება 2029 ან 2030 წლამდე, რაც კიდევ ერთხელ მოწმობს კლუბის ნდობას და ინტერესს ვინისიუსის მიმართ როგორც გუნდის ერთ-ერთი საკვანძო ფიგურისა.