განვითარებას არ წყვეტს - გიორგი ჩაკვეტაძის სატრანსფერო ღირებულება კვლავ გაიზარდა!

"უოტფორდის" ქართველი ფეხბურთელის გიორგი ჩაკვეტაძის სატრანსფერო ღირებულება 1.5 მილიონი ევროთი გაიზარდა. 25 წლის ფეხბურთელის ფასი Transfermarkt-ზე გუშინ განახლდა და 4 მილიონ ევროს უტოლდება.

გიორგი ჩაკვეტაძეს ჩემპიონშიპის მიმდინარე სეზონში 2 გოლი და 4 საგოლე გადაცემა აქვს. ბოლოს მან 29 დეკემბერს "კარდიფის" წინააღმდეგ გაიტანა.

"ჩაკვეს" საუკეთესო მაჩვენებელი სატრანსფერო ღირებულების მხრივ 2018/19 წლებში, "გენტში" ასპარეზობის დროს ჰქონდა და 9 მილიონ ევროდ იყო შეფასებული.