გარემოს ეროვნული სააგენტოს გაფრთხილება – უახლოეს დღეებში საქართველოში ამინდი გაუარესდება

გარემოს ეროვნული სააგენტო მოსახლეობას აფრთხილებს, რომ უახლოეს დღეებში საქართველოში ამინდი გაუარესდება.

სააგენტოს ცნობით, 16 ივლისს, დღის მეორე ნახევრიდან 17 ივლისის დღის ბოლომდე მოსალოდნელია დროგამოშვებით ხანმოკლე წვიმა ელჭექით, ზოგან – ძლიერი, შესაძლებელია სეტყვა და ელჭექის დროს ქარის გაძლიერება.

სპეციალისტები საფრთხის დონეს საშუალოდ აფასებენ.

სინოპტიკოსთა პროგნოზით, ნალექებმა შესაძლოა საქართველოს პატარა მდინარეებზე – წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს.