გელა ხასაია დააკავეს

ხასაია პარლამენტის მიმდებარე ტერიტორიიდან წაიყვანეს. პოლიცია მისი ჩანთის ჩხრეკას მოითხოვდა და ამბობდა, რომ ეს იყო „გარეგანი დათვალიერება“:

„მოგვიწევს, რომ გადაგიყვანოთ საპატრულო პოლიციის დეპარტამენტში. მეტს ვერ გეტყვით ვერაფერს... გვაქვს გონივრული ეჭვი“.

გელა ხასაიამ მათ უპასუხა, რომ თანახმა იყო მისი ჩანთა გარედან დაეთვალიერებინათ, რასაც „გარეგანი დათვალიერება“ მოიცავდა. ის ცდილობდა გაერკვია, რატომ მოითხოვდნენ მისი ჩანთის ჩხრეკას, რა დროსაც ის მოულოდნელად დააკავეს.

თავდაპირველად ადგილზე მდგომმა პოლიციამ ჟურნალისტებს უთხრა, რომ ხასაია პოლიციის განყოფილებაში გადაყავდათ და არ აკავებდნენ. მოგვიანებით კი რადიო თავისუფლებას შინაგან საქმეთა სამინისტროს პრესსამსხურში უთრხეს, რომ აქტივისტი ადმინისტრაციულ სამართალდარღვევათა კოდექსის 173-ე მუხლით დააკავეს.

დღეს, 31 მარტს თბილისში მასშტაბური დემონსტრაციის გამართვა იგეგმება კვლავ ახალი არჩევნების ჩატარებისა და აქციებზე დაკავებულების გათავისუფლების მოთხოვნით.

საქართველოში აქციები მას შემდეგ დაიწყო, რაც 2024 წლის 28 ნოემბერს „ქართული ოცნების" მთავრობამ გამოაცხადა, რომ 2028 წლის ბოლომდე დღის წესრიგში აღარ დააყენებს ევროკავშირში გასაწევრიანებლად მოლაპარაკებების გახსნის საკითხს. დემონსტრაციები ყოველდღიურად იმართება და იკეტება პარლამენტის შენობის წინ რუსთაველის გამზირი.