"გთხოვთ, დადეთ იარაღი, დაგეგმეთ არჩევნები..." - როგორ აჩერებს ფეხბურთი სამოქალაქო დაპირისპირებებს

საქართველოში მიმდინარე მოვლენებზე თვალის დევნებისას, არ შეიძლება არ გაგვახსენდეს მომენტები, თუ როგორ შეუძლიათ სამოქალაქო დაპირისპირებების დროს სპორტსმენებს აღნიშნულის შეჩერება და მათზე გავლენის მოხდენა.

მრავალმა ქართველმა სპორტსმენმა თავისი აზრი საჯაროდ უკვე დააფიქსირა, დაგმო ძალადობა და მხარი მკაფიოდ დაუჭირა საქართველოს ევროპულ მომავალს.

თუმცა საინტერესოა, როგორ ხდება ეს ყოველივე პრაქტიკაში, მაშინ როცა სპორტსმენები თავადვე ერთვებიან საბრძოლო მოქმედებების შეჩერებასა და პროცესებთან მაქსიმალურად ახლოს არიან.

ქვეყ­ნის­თვის, როგორიც კოტ-დივუარია, სა­დაც ბოლო 4 წელი სა­მო­ქა­ლა­ქო ომი მიმ­დი­ნა­რე­ობ­და, სა­ერ­თო­დაც სას­წა­უ­ლის ტოლფასი გამოდგა მსოფ­ლიო ჩემ­პი­ო­ნატ­ზე ეროვ­ნუ­ლი ნაკ­რე­ბის პირ­ვე­ლი გას­ვლა.

2005 წლის 8 ოქ­ტომ­ბერს დი­დიე დროგ­ბას კოტ-დ’ივუ­არ­მა სუ­დანს 3:1 სძლია და 2006 წლის გერ­მა­ნი­ის მსოფ­ლიო ჩემ­პი­ო­ნატ­ზე სენ­სა­ცი­უ­რად მოხ­ვდა.

სუ­და­ნის ომ­დურ­მა­ნეს 20-ათა­სი­ა­ნი სტა­დი­ო­ნზე მთე­ლი სა­ხელ­მწი­ფოს ბედი წყდე­ბო­და. ვი­დეო კა­მე­რე­ბის გა­მო­ჩე­ნი­სას, ნაკ­რე­ბის ლი­დერ­მა დი­დიე დროგ­ბამ მიკრო­ფო­ნში ქვეყანას მიმართა, რომლითაც ისტორია შეიცვალა.

"კოტ-დ’ივუ­ა­რის კა­ცე­ბო და ქა­ლე­ბო, ჩრდი­ლო­ე­თი­დან, სამ­ხრე­თი­დან, აღ­მო­სავ­ლე­თი­დან და და­სავ­ლე­თი­დან! დღეს ჩვენ და­ვამ­ტკი­ცეთ, რომ კოტ-დ’ივუ­ა­რე­ლე­ბის ერ­თად არ­სე­ბო­ბა შე­საძ­ლე­ბე­ლია, შე­საძ­ლე­ბე­ლია ფეხ­ბურ­თის ერ­თად თა­მა­ში და მსოფ­ლიო ჩემ­პი­ო­ნატ­ზე გას­ვლაც კი. ჩვენ დაგ­პირ­დით, რომ დღე­სას­წა­ულს მო­გი­წყობ­დით. დღეს მუხ­ლზე და­ჩო­ქი­ლე­ბი პა­ტი­ე­ბის­კენ მო­გი­წო­დებთ. ქვე­ყა­ნა, რო­მე­ლიც უამ­რა­ვი სიმ­დიდ­რის პატ­რო­ნია, არ იმ­სა­ხუ­რებს ამ ომს. გთხოვთ, და­დეთ ია­რა­ღი, და­გეგ­მეთ არ­ჩევ­ნე­ბი და ყვე­ლა­ფე­რი გა­ცი­ლე­ბით უკე­თე­სად იქ­ნე­ბა"