გიორგი ჩაჩანიძეს პატიმრობა შეეფარდა

ჭიათურისა და კინომსახიობთა თეატრების მსახიობს გიორგი ჩაჩანიძეს პატიმრობა შეეფარდა. გადაწყვეტილება მოსამართლე მანუჩარ ცაცუამ მიიღო.

ნოდარ ჩაჩანიძე, დაკავებული მსახიობის ძმა:

“10-დღიანი ადმინისტრაციული პატიმრობა შეუფარდა გიორგის მონების სასამართლომ! არანაირი მტკიცებულება, არც ვიდეო და არც სხვა სახის… ცრუ მოწმე მოიყვანეს, რომელმაც არ იცოდა რა ადგილზე დააკავეს გიორგი, არ იცოდა რომ ის გოგოს დაკავების დროს დააკავეს და ამას რომ დაკავებამდე მთელ ხმაზე ყვიროდა… ეს ყველაფერი ჩვენ ვიდეოებით დავამტკიცეთ დარბაზის წინაშე.
16 ადამიანი დავეტიეთ თბილისის საქალაქო სასამართლოს მეცხრე დარბაზში, სადაც ქართული თეატრის დღეს, ვნახეთ კიდევ ერთი ბინძური სპექტაკლი, თუ როგორ სამარცხვინოდ ექცევა ჩემი ძმის მსგავს მართალ ადამიანებს საქართველოს რუსული რეჟიმი!
მოსამართლე მანუჩარ ცაცუა, ვინც გიორგის დაკავების დროს რესტორანში ქეიფობდა, არის რეჟიმის მონა და გიორგი ჩაჩანიძე კიდევ 8 დღის განმავლობაში იქნება ამ რეჟიმის ტყვე!
დღეს ასეთი მონები ასამართლებენ პოლიტიკურ პატიმრებს და ტყვეებს!
ჭიათურის სახელმწიფო თეატრი – ქართული თეატრის და ეროვნული დროშის დღეს გილოცავთ… მეგონა ამას მაინც დაწერდით დღეს, რადგან ყოველ წელს გვილოცავთ ხოლმე… ბოდიში ჩვენი ოჯახის სახელით, რომ წელს უნებურად ამაში ხელი შეგიშალეთ…”

პ.ს. ჭიათურის სახელმწიფო თეატრისგან განსხვავებით, კინომსახიობთა თეატრმა საჯარო განცხადება გააკეთა და ყველა აქტივობა შეაჩერა:

“თუმანიშვილის თეატრი კატეგორიულად ემიჯნება ძალადობას, ძალის გადამეტებას და უსამართლოდ დაკავებას! ჩვენი მხარდაჭერა და სოლიდარობა ჩვენს კოლეგებს, ხელოვნების სფეროს წარმომადგენლებს, თითოეულ მოქალაქეს, რომლებიც მშვიდობიანად გამოხატავენ პროტესტს. მოვითხოვთ, სასწრაფოდ და ადამიანის უფლებათა უმაღლესი სტანდარტით იქნას წარმართული ყველა პროცესი, არსებულ კითხვებს გაეცეს დროული პასუხი და უსამართლოდ დაკავებული პირები დაუყოვნებლივ გათავისუფლდნენ! თუმანიშვილის კინომსახიობთა თეატრს დაგეგმილი ჰქონდა აქტივობების განახლება ქვეყანაში არსებული პროტესტის ადეკვატური ახალი ფორმის თანხლებით. გამომდინარე იქიდან, რომ ჩვენი თეატრის მსახიობი გიორგი ჩაჩანიძე დაკავებულია, თეატრი აჩერებს ყველა აქტივობას!”