დააკავეს კაცი, რომელიც 16 წლის გოგოს სალონში სექსმუშაკად ამუშავებდა - შსს

„ბრალდებულის მითითებით, მისსავე მასაჟის სალონში, დაზარალებული სექსუალურ მომსახურებას უწევდა მსურველებს, ხოლო არასრულწლოვანის სექსუალური ექსპლუატაციით გამომუშავებულ თანხას ბრალდებული ისაკუთრებდა და საკუთარი შეხედულებისამებრ განკარგავდა“, - წერია პროკურატურის პრესსამსახურის გავრცელებულ ცნობაში.

დაკავებულს ბრალი წარედგინა სისხლის სამართლის კოდექსის ორი მუხლით:

• 143-ე სეკუნდა მუხლის პირველი ნაწილით - არასრულწლოვანის მიმართ ჩადენილი ტრეფიკინგი;
• 254-ე მუხლის 1-ლი და მე-2 ნაწილებით - პროსტიტუციის ხელშეწყობა და პროსტიტუციისთვის ადგილის გადაცემა.

კაცს 12 წლამდე პატიმრობა ემუქრება.