დაკავებულია გერმანიის სადაზვერვო სამსახურის ყოფილი უფროსი, ის ჯაშუშობაშია ეჭვმიტანილი

გერმანიის ფედერალური პროკურატურის ინფორმაციით, აუგუსტ ჰანინგი ეჭვმიტანილია სისხლის სამართლის კოდექსის რამდენიმე მუხლით, მათ შორის სახელმწიფო ღალატის მცდელობასა და სადაზვერვო-აგენტურულ საქმიანობაში, ხოლო მანფრედ დ. - ამ საქმიანობის ხელშეწყობაში.

პროკურატურა არ აკონკრეტებს, ვის სასარგებლოდ ჯაშუშობაშია ეჭვმიტანილი ქვეყნის დაზვერვის სამსახურის ყოფილი ხელმძღვანელი.

გერმანული მედიასაშუალებების, WDR-ის, NDR-ის და Süddeutsche Zeitung-ის წყაროთა თანახმად, საქმე არ ეხება რუსეთთან კავშირებს.

• აუგუსტ ჰანინგი გერმანიის ფედერალურ სადაზვერვო სამსახურს 1998-2005 წლებში ხელმძღვანელობდა. შემდეგ შინაგან საქმეთა სამინისტროში მუშაობდა სახელმწიფო მდივნის თანამდებობაზე.
• სახელმწიფო სამსახურიდან წასვლის შემდეგ ჰანინგი კერძო სექტორში საქმიანობდა უსაფრთხოების საკითხებში კონსულტანტის სტატუსით.