"დარწმუნებული ვარ, რემატჩის შემთხვევაში მოვუგებ" - პიოტრ იანს დვალიშვილთან ჩხუბი სურს

UFC-ის სუპერ მსუბუქი წონის ყოფილმა ჩემპიონმა პიოტრ იანმა ქართველ მებრძოლ მერაბ დვალიშვილზე კომენტარი გააკეთა და აღნიშნა, რომ თუ მათი მეორე დაპირისპირება შედგება, ის განსხვავებული შედეგით დასრულდება.

რუსი სპორტსმენის თქმით, მერაბი თავისი სტილით შონ ო'მალიზე ბევრად ძლიერია და ქამარს უპრობლემოდ შეინარჩუნებს. ამავდროულად, იანმა საკუთარ მომავალ ბრძოლაზეც ისაუბრა:

„დარწმუნებული ვარ, დვალიშვილი შონ ო'მალის დამარცხებას ადვილად შეძლებს. ის ჭიდაობაში გამორჩეულია და ეს ნამდვილად მომწონს. პირველ ბრძოლაში მისგან ბევრი ვისწავლე. ვგრძნობ, რომ მასთან თავიდან შეხვედრის შემთხვევაში ყველაფერი სხვანაირად წავა. მზად ვარ და მინდა, რომ შემდეგი მას შევხვდე ქამარზე.“

შეგახსენებთ, რომ მერაბ დვალიშვილმა იანთან 2023 წელს ხუთრაუნდიანი ბრძოლა ერთსულოვანი გადაწყვეტილებით მოიგო და კარიერის ერთ-ერთი ყველაზე მნიშვნელოვანი გამარჯვება მოიპოვა.

რაც შეეხება მომავალს — მერაბ დვალიშვილი ოქტაგონში 7 ივნისს დაბრუნდება, სადაც შონ ო'მალის წინააღმდეგ ტიტულის დაცვას ეცდება. ამ ბრძოლაზე ბევრი რამ არის დამოკიდებული, მათ შორის პოტენციური რემატჩის შანსიც პიოტრ იანთან.