დასახელდა თარიღი - როდის დაბრუნდება დინამოზე საქართველოს ნაკრები?

როგორც იცით, უკვე რამდენიმე თვეა, რაც საქართველოს ეროვნული ნაკრები დინამო არენაზე საშინაო მატჩებს სარემონტო სამუშაოების გამო ვერ ატარებს. ყოველ შემთხვევაში, ეს არის მიზეზი, რაც ოფიციალურად დასახელდა.

სულ ახლახანს გავრცელდა ინფორმაცია, რომ მარტის საპლეიოფო ეტაპიდან ეროვნული გუნდი ისევ დინამოზე ითამაშებს.

მოგეხსენებათ, რომ მარტის პლეიოფის მატჩებში საქართველოს ნაკრები ერთა ლიგის B ლიგაში ადგილის შესანარჩუნებლად სომხეთთან ირძოლებს.

საქართველოს ნაკრები 20 მარტს ერევანში ითამაშებს, 3 დღის შემდეგ კი მეტოქეს დინამო არენაზე დაუხვდება.