დაძაბულ დერბიში ბათუმმა თბილისის დინამო დაამარცხა

პირველი ტურის გადადებული შეხვედრა ეროვნულ ლიგაში დღეს, ბათუმის დინამოს სტადიონზე გაიმართა, სადაც ადგილობრივმა გუნდმა თბილისის დინამოს 1:0 აჯობა.

ბათუმი არენაზე შეკრებილმა შვიდი ათასამდე გულშემატკივარმა საინტერესო შეხვედრა იხილა. 24-ე წუთზე ლუკა წულუკიძის გადაცემით ანგარიში ჯარენ ბლესამ გახსნა და ტაიმი ბათუმელებმა მოიგეს.

მეორე ნახევარში ბათუმის დინამოსთვის სიტუაცია ძალიან დაიძაბა. გუნდი მოედანზე 9 კაცით დარჩა, რადგან მოჰამედ ფოფანა გააგრძელეს, მუტირ შაჟია კი დაშავებული გაიყვანეს და მწვრთნელს მეტი ცვლილების გაკეთების უფლება არ ჰქობდა.

მიუხედავად ამისა, ბათუმელებმა უპირატესობა შეინარჩუნეს და 11 ქულით ლიდერ იბერიას გაუთანაბრდნენ.