„დუმბაძეს როგორ აგინე“ - აქციების მონაწილე ოქრიაშვილს სახლთან სამმა კაცმა სცემა

როგორც რადიო თავისუფლებას მისმა მეგობრებმა განუცხადეს, ოქრიაშვილს სცემეს ვაკეში, საცხოვრებელი სახლის სიახლოვეს.

ოქრიაშვილმა რადიო თავისუფლებას უთხრა, რომ ამჟამად იგი კლინიკაშია.

რადიო თავისუფლება ცდილობს შსს-სთან გარკვევას, დაიწყეს თუ არა გამოძიება და მუხლით.

თვითმხილველის გადაღებულ ვიდეოში ისმის, რომ ერთ-ერთი თავდამსხმელი მას ეუბნება: „ნოდარ დუმბაძეს როგორ ეხები, შე **ეო“.

• ოქრიაშვილმა 19 ივლისს ჩაწერა ვიდეო, რომელშიც ამბობს, რომ „ქართული ოცნების“ პროპაგანდა მას აშავებდა და ადამიანებს მის წინააღმდეგ აქეზებდა.
• საუბარია ვიდეოზე, სადაც ოქრიაშვილი მწერალ ნოდარ დუმბაძეს ახსენებს და უცენზურო სიტყვას იყენებს.
• 19 ივლისს მან განმარტა, რომ ამ ვიდეოში „გინება კი არ არის, ჰიპოთეტურად ვლაპარაკობთ და ყველაზე აბსურდული, რაც მახსენდება მაგ მომენტში, ვამბობ ნოდარ დუმბაძეს“. ჩანაწერი ერთ-ერთი „სტენდაპ-შოუდან“ არის ამოჭრილი.