"ერთი დარტყმა და რამდენიმე წუთი გავითიშე.." - ვოლკანოვსკი ილიასთან ბრძოლას ნანობს

ალექსანდრ ვოლკანოვსკი აღიარებს, რომ გარკვეულწილად ნანობს გადაწყვეტილებას, თავის დროზე ილია თოფურიასთან დაპირისპირებაზე დათანხმდა, და სამომავლო გეგმებში „ელ მატადორთან“ ბრძოლას ცოტა მოგვიანებით აყენებდა.

ავსტრალიელი ჩემპიონი აცხადებს, რომ ეს გადაწყვეტილება ნაჩქარევი იყო და დამატებითი დრო მოსამზადებლად ნამდვილად სჭირდებოდა. „ვფიქრობდი, რომ ზედმეტად ადრე მივიღე შემოთავაზება და თოფურიასთან ბრძოლას დავთანხმდი. ასე არასდროს გავთიშულვარ – ერთი სუფთა დარტყმა და რამდენიმე წუთით გავითიშე,“ – აღნიშნავს ვოლკანოვსკი.

რაც შეეხება მის მომავალ გამოწვევას, UFC-ის ვოლკანოვსკის მომავალი მეტოქე შესაძლოა ლერონ მერფი გახდეს. ეს დაპირისპირება ოფიციალურად ჯერ დადასტურებული არაა, თუმცა ბრიტანელი მებრძოლი პირადად ადასტურებს, რომ ბრძოლა დეკემბერში, ლას-ვეგასში, UFC 323-ზე გაიმართება.

მერფი განმარტავს: „ვოლკს სურს ბრძოლა დეკემბერში, ამიტომ ყველაფერი ლას-ვეგასში გაიმართება. უახლოეს კვირებში ზარს ველოდები, რათა ბრძოლა საბოლოოდ დადასტურდეს და მაშინ უკვე მოსამზადებელ კემპს დავგეგმავ.“