3 hours ago
3
საქართველოს ეროვნული ნაკრების მეკარე, გიორგი მამარდაშვილი ლივერპულის ყველა სამატჩო განაცხადში ხვდება, თუმცა ჯერჯერობით თამაში ალისონ ბეკერის გამო არ უწევს.
ახალ სეზონში არნე სლოტის გუნდმა უკვე 5 შეხვედრა ჩაატარა, საიდანაც მამარდაშვილს სათამაშოდ არცერთი წუთი არ მიეცა. მიუხედავად ამისა, Daily Mail-მა დაწერა, რომ გიორგის დებიუტს თასზე, საუთჰემპტონის წინააღმდეგ უნდა ველოდოთ:
წინ მერსესაიდული დერბია, სადაც, სავარაუდოდ კარში კვლავ ალისონი იქნება, გიორგი მამარდაშვილის პირველ ოფიციალურ შეხვედრას კი თასზე, საუთჰემპტონის წინააღმდეგ ველით.
- დაწერა გამოცემამ.
ცნობისთვის, ლიგის თამაშს ენფილდი 23 სექტემბერს საკუთარ კედლებში გამართავს და წესით, ქართველი მეკარის ოფიციალური დებიუტი სწორედ აქ შედგება.
English (US) · 
Georgian (GE) ·