"ესაა კლასიკა ზუსტადაც" - ბესიკ ხარანაულის ლექსი საქართველოზე

ქართველი მწერალი და პოეტი ბესიკ ხარანაული სოციალურ ქსელში თავის დაწერილ ლექსს აქვეყნებს:

"ს ა ქ ა რ თ ვ ე ლ ო შ ი დ რ ო ა რ ი ც ვ ლ ე ბ ა

გამოვდებ ხოლმე ძველ ლექსებს,
და, ჰგონიათ რომ ახალია,
თუნდაც ეს ლექსი,
ოცდაათი წლის წინ დაწერილი,
ეგონებათ, რომ დღეს დავწერე:
საქართველოში დრო არ იცვლება.
ხან მეც ვეჭვდები, ვნახავ ხოლმე
ჩემს ძველ წიგნებს დასამოწმებლად,
ვუყურებ, და, არ მიხარია:
ის ძველი ლექსები ისევ ახლებია,
თითქოს მქონდეს წუხელ დაწერილი!
საქართველოში დრო არ იცვლება.
მაშ, რამ შეგვინახა,
მდგმურებივით
ყოველდღე რომ გადარჩენას ვდღესასწაულობთ?
რომ არ ძველდებიან გარდასული გლოვის ლექსები?
ნუთუ არა ვართ პატრონები ჩვენივე მიწის,
ნუთუ ვსხედვართ ძირგაცლილ ნავში?
საქართველოში დრო არ იცვლება.
რომ გამოვდებ ხოლმე ძველ ლექსს
და ჰგონიათ
წუხელ დაწერილი,
მართალნი ყოფილან:
საუკუნე ქართველისთვის წამის ხილია,
გასაჭირი - მარადიული.
ამიტომაც,
ლექსი გულზე რომ მოგხვდება,
ასაკს ნუ იკითხავ -
საქართველოში დრო არ იცვლება" - წერს ბესიკ ხარანაული.