“ესენი არიან ტრაგედიით მოსარგებლე არამზადები”– ვის აკრიტიკებს თამთა მეგრელიშვილი

“ხალხის ძალის” წევრი, თამთა მეგრელიშვილი, კესარია აბრამიძის მკვლელობასთან დაკავშირებით, უჩა ნანუაშვილის მიერ გამოქვეყნებულ სტატისტიკას ეხმიანება და რადიკალებს ტრაგედიით მოსარგებლეებს უწოდებს.

მისი განცხადებით, ნანუაშვილს საზოგადოება შეცდომაში შეჰყავს, ვინაიდან, მის მიერ ჩამოთვლილი პოროვნებებიდან ორი – ბიანკა შიგუროვა და ლიზა ქისტაური, საქართველოში არ მოუკლავთ.

“ასე აგიჟებენ საზოგადოებას და ხალხს. არც ბიანკა და არც ლიზა საქართველოში არ მოუკლავთ. უფრო მეტიც – საწყალი ქისტაური ბელგიაში, ევროპის შუაგულში მოკლეს, ეს ნაძირალა ნანუაშვილი კი ყველაფერს კადრულობს, რომ ტრაგედია ხელისუფლებას გადააბრალოს. ესენი არიან ტრაგედიით მოსარგებლე არამზადები.” – წერს თამთა მეგრელიშვილი სოციალურ ქსელში.

ცნობილი ტრანსგენდერი ქალი კესარია აბრამიძე საკუთარ საცხოვრებელ ბინაში მოკლეს.

შსს–ის ინფორმაციით, კესარია აბრამიძე დანითაა მოკლული. მისი ცხედარი დიდ დიღომში, ავთანდილის ქუჩაზე მდებარე საცხოვრებელ სახლში ნახეს. გავრცელდა ინფორმაცია, რომ ბრალდებული მისი მეგობარი მამაკაცია, კონფლიქტის მიზეზი სოციალურ ქსელში გავრცელებული ფოტო გახდა. სა­მარ­თალ­დამ­ცა­ვე­ბი ბ.ჯ.-ს ყველ­გან ეძე­ბენ. ში­ნა­გან საქ­მე­თა სა­მი­ნის­ტრო­ში მკვლე­ლო­ბის ფაქტს ადას­ტუ­რე­ბენ და აცხა­დე­ბენ, რომ გან­ზრახ მკვლე­ლო­ბის ფაქ­ტზე გა­მო­ძი­ე­ბა სა­ქარ­თვე­ლოს სის­ხლის სა­მარ­თლის კო­დექ­სის 108-ე მუხ­ლით მიმ­დი­ნა­რე­ობს.