netgazeti 
ესპანეთის ტრანსპორტის მინისტრი ოსკარ პუენტე გადადგა ჩქაროსნული მატარებლების შეჯახებიდან ექვსი დღის შემდეგ, რომელსაც სულ მცირე 69 ადამიანი ემსხვერპლა და ათობით დაშავდა.
BBC-ის ცნობით, მან ეს გადაწყვეტილება კონგრესში მას შემდეგ გამოაცხადა, რაც ჩვენება მისცა.
“ისეთი ქვეყნის ტრანსპორტის მინისტრი, როგორიც ესპანეთია, არ შეიძლება დარჩეს თანამდებობაზე ერთ წელზე ნაკლებ დროში ამ სიმძიმის ორი ავარიის შემდეგ”, – თქვა მან, რითაც იანვარში იმავე ხაზზე მომხდარი ავარია იგულისხმა, რომელსაც 46 ადამიანი ემსხვერპლა.
ესპანეთში გასული კვირას მომხდარი ავარია ევროპის თანამედროვე ისტორიაში ერთ-ერთი ყველაზე მასშტაბური სარკინიგზო კატასტროფაა და ესპანეთის ყველაზე მძიმე შემთხვევაა 2013 წლის შემდეგ.
პუენტემ ასევე დასძინა: „მე არა მხოლოდ ვტოვებ ტრანსპორტის მინისტრის პოსტს, არამედ… ჩემი სახელიც გამომაქვს ვადამდელი საპარლამენტო არჩევნების სიებიდან“.
