radiotavisupleba ახალი ამბები 
ახმეტელ ექიმს, მაია კოხტაშვილს, რომელსაც ფსიქოტროპული პრეპარატის რეცეპტის უკანონოდ გამოწერას ედავებოდნენ საპროცესო შეთანხმება გაუფორმდა.
თელავის რაიონულ სასამართლოში, დღეს 3 ნოემბერს შესაბამისი შეთანხმება მოსამართლე თამარ კაპანაძემ გააფორმა. საპროცესო შეთანხმების პირობით მაია კოხტაშვილს დაეკისრა 50- ათასლარიანი ჯარიმის გადახდა. მანამდე მას ამავე ოდენობის გირაო ჰქონდა შეფარდებული.
ახმეტაში 11 სექტემბერს დააკავეს ექიმი მაია კოხტაშვილი:
- იგი „ფინანსურმა პოლიციამ“ დააკავა ფსიქოტროპული პრეპარატის რეცეპტის უკანონოდ გამოწერის ბრალდებით.
- ადგილობრივების ცნობით, ექიმთან მივიდა ადამიანი და ლოგინად ჩავარდნილი და ტკივილით გატანჯული ოჯახის წევრისთვის ფსიქოტროპული პრეპარატის გამოწერა სთხოვა; ექიმი შევიდა მის მდგომარეობაში და წამალი გამოუწერა.
- პირი, ვინც ექიმთან მივიდა, ფინანსთა სამინისტროს საგამოძიებო სამსახურის კახეთის სამმართველოს თანამშრომელია.
- ექიმს პაციენტებმა და მათი ოჯახებმა სოციალურ ქსელში ღია მხარდაჭერა გამოუცხადეს;
- 12 სექტემბერს მას თელავის სასამართლომ საპატიმრო გირაო შეუფარდა - 50 ათასი ლარი; ეს თანხა საზოგადოებამ ექიმს ერთ საათში მოუგროვა.
მასალა განახლდება
