ვულოცავ მთელ საქართველოს, ხვიჩა კვარაცხელია ჩემპიონთა ლიგის გამარჯვებულია – ბიძინა ივანიშვილი

წაკითხვა: 2

“ქართული ოცნების” საპატიო თავმჯდომარე ბიძინა ივანიშვილი ეხმიანება ჩემპიონთა ლიგაზე ხვიჩა კვარაცხელიას გამარჯვებას.

“ხვიჩა კვარაცხელია ჩემპიონთა ლიგის გამარჯვებულია! ვულოცავ მთელი ქვეყნისთვის საამაყო ფეხბურთელს ამ დიდ მიღწევას, რომელიც მისი ნიჭით, შრომითა და თავდადებით, გუნდთან ერთად მოიპოვა!

ვულოცავ მთელ საქართველოს, ვინაიდან, თითოეული ჩვენგანისთვის ეს გამარჯვება დიდი სიხარულისა და სიამაყის მომტანია. მჯერა, რომ ეს მიღწევა ხვიჩას კარიერულ გზაზე კიდევ უფრო მეტი წარმატებისა და გამარჯვებისკენ გადადგმული ნაბიჯია. ჩვენს ღირსეულ ფეხბურთელს ვუსურვებ, რომ მომავალშიც არაერთი გამარჯვებითა და ტიტულით გაახაროს და ასახელოს საკუთარი სამშობლო.”– წერს ბიძინა ივანიშვილი.

პოსტის ნავიგაცია