ზაფხულში მანჩესტერ სიტი დანი ოლმოს შეძენას კიდევ ერთხელ შეეცდება

„მანჩესტერ სიტი“ კვლავაც ცდილობს დანი ოლმოს გადმობირებას – ამის შესახებ ინფორმაციას ესპანური გამოცემა Relevo-ს ჟურნალისტი მატეო მორეტო ავრცელებს.

წყაროს ცნობით, ტრანსფერის ინიციატორი თავად პეპ გვარდიოლაა. კატალონიელ სპეციალისტს ოლმოს გუნდში ხილვა ჯერ კიდევ გასულ ზაფხულს სურდა, თუმცა მაშინ ფეხბურთელმა არჩევანი „ბარსელონაში“ დარჩენაზე შეაჩერა.

მიმდინარე სეზონში დანი ოლმომ „ბარსელონას“ შემადგენლობაში 36 მატჩი ჩაატარა ყველა ტურნირზე, სადაც 11 გოლის გატანა და 6 საგოლე გადაცემის გაკეთება შეძლო. ის გუნდის ერთ-ერთი მნიშვნელოვანი ფიგურაა, რაც მის მომავალზე სპეკულაციებს კიდევ უფრო საინტერესოს ხდის.

ამ ეტაპზე გაურკვეველია, გეგმავს თუ არა კატალონიური კლუბი 26 წლის ესპანელი ფეხბურთელის ტრანსფერს ზაფხულის სატრანსფერო ფანჯარაში. თუმცა ცხადია, რომ თუ "ბარსა" მზად იქნება მოლაპარაკებისთვის, „სიტი“ მზად არის, ოლმოს დამატება კვლავ სცადოს.