radiotavisupleba ახალი ამბები 
უკრაინის პრეზიდენტმა ვოლოდიმირ ზელენსკიმ კვირას გამოაცხადა, რომ სატელეფონო საუბრის შემდეგ იგი დათანხმდა ნიუ-იორკში თავის ამერიკელ კოლეგას, დონალდ ტრამპს შეხვდეს.
დაგეგმილი შეხვედრის ფონზე ცნობილია, რომ ვაშინგტონი მოსკოვსა და კიევს შორის ახალი, პირისპირ სამშვიდობო მოლაპარაკებების გამართვას ცდილობს.
ოთხნახევარი წლის განმავლობაში მიმდინარე ომის დასასრულებლად აშშ-ის მეთაურობით წამოწყებული ძალისხმევა ბოლო თვეებში შეფერხდა. თებერვლიდან აშშ ომს აწარმოებს ირანის წინააღმდეგ, რის გამოც ყურადღება ახლო აღმოსავლეთზე გადაიტანა.
ამ პერიოდში რუსეთმაც და უკრაინამაც ერთმანეთზე შორეული დარტყმები გააძლიერეს.
„ახლახან ვესაუბრე პრეზიდენტ დონალდ ჯ. ტრამპს. მნიშვნელოვანი საუბარი იყო და ბევრ საკითხს შევეხეთ,“ — განაცხადა ზელენსკიმ Facebook-ზე გამოქვეყნებულ პოსტში.
„შევთანხმდით, რომ ნიუ-იორკში შევხვდებით ერთმანეთს და ამ შეხვედრას ბევრი რამის შეცვლა შეუძლია. არსებობს დიპლომატიური იმპულსი,“ — თქვა მან.
ზელენსკის განცხადებებზე ტრამპის მხრიდან დაუყოვნებლივი საჯარო კომენტარი არ გაკეთებულა.
