ზივზივაძემ ტრავმა მიიღო - რა დროს იუქმებს ქართველი თავდამსხმელი?

ბუნდესლიგის ბოლო ტურში მიღებული ტრავმის გამო "ჰაიდენჰაიმის" 31 წლის ქართველი ფორვარდი ბუდუ ზივზივაძე 2-დან 3 კვირამდე იუქმებს.

"ვოლფსბურგის" წინააღმდეგ (1:0) კოჭის იოგის დაზიანების გამო, ქართველი ფორვარდი სავარაუდოდ ბუნდესლიგის მომდევნო 2 მატჩს გამოტოვებს.

ამრიგად, ზივზივაძე გუნდს ვერ დაეხმარება შინ "ლევერკუზენთან" (5 აპრილს) და სტუმრად ფრანკფურტში "აინტრახტთან" (13 აპრილს) მატჩებში, თუმცა კითხვის ნიშნის ქვეშაა მიუნხენის "ბაიერნთან" (19 აპრილს) საშინაო შეხვედრაში მისი მონაწილეობაც.