თურქეთის ხელისუფლებამ ოპოზიციური Halk TV-ის მაუწყებლობა შეაჩერა და ახალი მმართველი დაუნიშნა

14 ოქტომბერს სტამბოლში, Halk TV-ის შენობაში პოლიციელები შევიდნენ და ჩხრეკა დაიწყეს. ტელეარხის ინფორმაციით, ტერორიზმსა და ორგანიზებულ და ეკონომიკურ დანაშაულთან მებრძოლი ქვედანაყოფის თანამშრომლებმა ჟურნალისტებს შენობაში შესვლა აუკრძლეს. ტელეკომპანიის დროებით მართვა „ანაბრების დაზღვევის ფონდს" დაევალა.

სტამბოლის პროკურატურის თანახმად, ჩხრეკა უკავშირდება Halk TV-ის დირექტორთა საბჭოს თავმჯდომარის, ჯაფერ მაჰიროღლუს წინააღმდეგ მიმდინარე გამოძიებას. მას ადანაშაულებენ მექრთამეობაში, ფულის გათეთრებასა და ტენდერებთან დაკავშირებულ თაღლითობაში. გაცემულია 17 პირის დაკავების ორდერები.

„Halk TV თურქ ხალხს ეკუთვნის"

ჯაფერ მაჰიროლუმ, რომელიც საზღვარგარეთ ცხოვრობს, სოციალური ქსელებით გაავრცელა ვიდომიმართვა, რომელშიც ბრლდებები უარყო და Halk TV-სთვის დროებითი მმართველის დანიშვნას უწოდა პოლიტიკურად მოტივირებული გადაწყვეტილება და „შავი დღე თურქეთისთვის“. მისი განცხადებით, „Halk TV თურქ ხალხს ეკუთვნის" და ხელისუფლებას მისი მიტაცების უფლება არ აქვს.

• თურქეთში პოპულარული Halk TV ოპოზიციურ „რესპუბლიკურ სახალხო პარტიასთან“ დაახლოებულ მდიასაშუალებად ითვლება. ტელეარხი ხშირად აკრიტიკებდა პრეზიდენტ ერდოანს და მმართველ „სამართლიანობის და განვითარების პარტიას“.
• 2026 წლის მაისში თურქეთის სასამართლომ „რესპუბლიკური სახალხო პარტიის“ ხელმძღვანელებს პარტიის მართვა აუკრძალა.
• ერთი წლით ადრე, 2025 წლის მაისში კორუფციის ბრალდებით დააპატიმრეს სტამბოლის მერი, თურქეთში პოპულარული პოლიტიკოსი ექრემ იმამოღლუ, რომელიც პარტიის კანდიდატი უნდა ყოფილიყო 2028 წლის საპრეზიდენტო არჩევნებში. მისმა დაკავებამ მასობრივი საპროტესტო აქციები გამოიწვია.