იმაზე ცოტა, ვიდრე წარმოიდგენდით - რამდენი გადაეცემა სუპერ თასის გამარჯვებულს

დღეს, 23:00 საათზე ხვიჩა კვარაცხელიას პარი სენ-ჟერმენი უეფას სუპერ თასის ფინალში ლონდონის ტოტენჰემს დაუპირისპირდება.

აღნიშნული შეხვედრის გამოკვეთილ ფავორიტად ჩემპიონთა ლიგის მოქმედი მფლობელები მიიჩნევიან, რადგან ტომას ფრანკი ტოტენჰემში ახალ გუნდს აწყობს და თანაც, ინგლისელთა საკადრო პრობლემები მართლაც სერიოზულია.

სხვათა შორის, სუპერ თასის გამარჯვებულს უეფა ძალიან ცოტას უხდის. თუ ჩემპიონთა ლიგის მოგებით 100 მილიონზე მეტი გამომუშავდება, სუპერ თასის აღმართვისთვის კლუბი მხოლოდ და მხოლოდ 5 მილიონ ევროს მიიღებს.