"იმდენად მშვიდია, ვერ ვხვდები რა მოვუხერხო" - ხვიჩამ ყველაზე რთული მეტოქე დაასახელა

French Football-მა გაავრცელა ხვიჩა კვარაცხელიას კომენტარი იმასთან დაკავშირებით თუ ვის მოიაზრებს კვარა ყველაზე რთულ მეტოქედ:

"მე აქამდე ტრენტს ვამბობდი, მაგრამ ეს რის ჯეიმსთან შეხვედრამდე იყო. ის იმდენად მშვიდი და თავშეკავებულია, რომ არ იცი, რა უნდა გააკეთო მის წინააღმდეგ", - განაცხადა ხვიჩამ.

ხვიჩა კვარაცხელია და რის ჯეიმსი ერთმანეთს ბოლოს მსოფლიო საკლუბო ჩემპიონატის ფინალში შეხვდნენ, სადაც ჯეიმსის ჩელსიმ პსჟ 3:0 დაამარცხა.