ირაკლი კობახიძემ ხუთ ახალი რწმუნებული დანიშნა

• მცხეთა-მთიანეთში დავით ნოზაძე ალექსანდრე ზაგაშვილმა შეცვალა;
• შიდა ქართლში - ლევან ხარაბაძე სიმონ გულედანმა;
• სამცხე-ჯავახეთში - ბესიკ ამირანაშვილი ზაალ გელაშვილმა;
• გურიაში - გიორგი ურუშაძე გიორგი ღურჯუმელიძემ;
• ქვემო ქართლში - გიორგი დოხტურიშვილი ლევან ხარაბაძემ.

„პრემიერ-მინისტრმა ხაზი გაუსვა რეგიონების განვითარების განსაკუთრებულ მნიშვნელობას და აღნიშნა, რომ ამ საკითხის პრიორიტეტულობაზე რეგიონული განვითარების სამინისტროს ცალკე უწყებად ჩამოყალიბებაც მეტყველებს“, - წერია მთავრობის პრესსამსხურის მიერ დღეს, 6 მაისს გავრცელებულ ინფომრაციაში.

ირაკლი კობახიძის გადაწყვეტილებით, ინფრასტრუქტურისა და რეგიონული განვითარების სამინისტრო გაიყო. „ქართული ოცნების“ მთავრობაში რეგიონული განვითარების მინისტრის თანამდებობას კახა გულედანი იკავებს.