ისევ საუკეთესო გახდა - გიორგი გველესიანის მორიგი აღიარება ირანში

რამდენიმე წუთის წინ დადასტურდა ინფორმაცია იმის შესახებ, რომ ქართველი ფეხბურთელი, გიორგი გველესიანი ირანის ჩემპიონატის საუკეთესო მცველად დასახელდა.

სხვათა შორის, ამ ჯილდოს გველესიანი პირველად არ იგებს. აღსანიშნავია, რომ გიორგი ირანის ლიგის საუკეთესო მცველი ზედიზედ მესამედ გახდა!

33 წლის ქართველი ცენტრალური მცველი პერსეპოლისის მოთამაშეა. მან ირანის ჩემპიონატში 21 შეხვედრა ჩაატარა და 2 გოლი გაიტანა.