იტალიის თუ საფრანგეთის ჩემპიონატი? - კვარაცხელიას დიპლომატიური პასუხი

ხვიჩა კვარაცხელიამ საფრანგეთის ლიგა 1-ის შესახებ ისაუბრა და ის იტალიის ჩემპიონატსაც შეადარა. ქართველი ვარსკვლავის თქმით, გავრცელებული მოსაზრება, თითქოს ლიგა 1 ნაკლებად კონკურენტუნარიანია, არ შეესაბამება რეალობას.

„იტალიაში ხშირად მსმენია, რომ საფრანგეთში თამაში მარტივია, მაგრამ პირადად მე ასე არ ვფიქრობ“, – აღნიშნა კვარაცხელიამ.

მისი შეფასებით, სერია A ტაქტიკურად დატვირთული ჩემპიონატია, მაშინ როცა Ligue 1 უფრო გახსნილი და შემტევი ფეხბურთით გამოირჩევა. ორივე ლიგა მაღალი დონისაა და განსხვავებული სტილით, თუმცა ერთნაირად რთული.