🌳 კავკასიური რცხილა (Carpinus caucasica)

სააგენტო "პარალელი"
🌳 კავკასიური რცხილა (Carpinus caucasica)

ველური ბუნების ეროვნული სააგენტო ამჟამად საქართველოს ფლორის წარმომადგენელზე მოგვითხრობს – კავკასიური რცხილა (Carpinus caucasica):

იცოდით, რომ კავკასიური რცხილა (Carpinus caucasica) ჩვენი ტყეების ნამდვილი არქიტექტორია? მცენარე არყისებრთა ოჯახის წარმომადგენელია და ეკოსისტემაში უმნიშვნელოვანეს როლს თამაშობს. იგი ქმნის როგორც წმინდა, მძლავრ კორომებს, ისე ერწყმის და მთლიანობას სძენს შერეულ ფოთლოვან და წიწვოვან ტყეებს.

საქართველოში გავრცელებულია ქვეყნის მთელ ტერიტორიაზე ზღვის დონიდან 1800 მ-მდე. რცხილა ნამდვილი მებრძოლია. იგი ჩრდილის ამტანი, ყინვაგამძლე და ქარგამძლეა. მიუხედავად იმისა, რომ ზომიერი ტენიანობის მოყვარული მცენარეა, ჰაერის სიმშრალესაც კარგად ეგუება.

მცენარე თავისი გლუვი ან ოდნავ დამსკდარი ქერქით, და მოწითალო-მურა კვირტებით, გაზაფხულზე, მარტ-აპრილში ყვავის, ხოლო ივნის-ივლისში კაკლის ფორმის ნაყოფს ამწიფებს, რომელიც სამნაკვთიან საბურველშია მოქცეული. ბუნებაში იგი თესლით და ძირკვის ამონაყრით მრავლდება. მისი თეთრი მერქანი ძალზე მაგარი და გამძლეა, რის გამოც ხშირად სადურგლო და სახარატო საქმეში გამოიყენება.

🌳 კავკასიური რცხილა (Carpinus caucasica)
პარალელი