🐈 კავკასიური ტყის კატა (Felis silvestris caucasicus)

სააგენტო "პარალელი"
🐈 კავკასიური ტყის კატა (Felis silvestris caucasicus)

ველური ბუნების ეროვნული სააგენტოს კიდევ ერთი საინტერესო მასალა. ამჯერად გაიცანით კავკასიური ტყის კატა (Felis silvestris caucasicus):

იცოდით, რომ ტყის კატებს შორის ყველაზე დიდი ზომით სწორედ კავკასიური ქვესახეობა (Felis silvestris caucasicus) გამოირჩევა?

ეს იდუმალი და მარტოხელა ცხოვრების წესის მიმდევარი მტაცებელი გავრცელებულია კავკასიასა და თურქეთში. იგი უპირატესობას ანიჭებს უღრან, ფართოფოთლოვან ტყეებს და ზღვის დონიდან 2500-3000 მეტრ სიმაღლემდე ბინადრობს.

კავკასიური ტყის კატა გამოირჩევა მოყავისფრო სქელი ბეწვით, მომრგვალებული თავით, მოკლე თათებითა და შედარებით მოკლე კუდით. მამალი კატის წონა 4-დან 11 კილოგრამამდე აღწევს და სხეულის სიგრძით (63–75 სმ) ოდნავ აღემატება დედალს (52–63 სმ).

მისი კვების რაციონს ძირითადად მღრღნელები და პატარა ფრინველები შეადგენს, თუმცა ოსტატური ნადირობის წყალობით შეუძლია თავს დაესხას ისეთ შედარებით დიდ ცხოველებსაც, როგორებიცაა კურდღელი, ხოხობი, შვლის ნუკრი და ირემი. ზოგჯერ, საკვების ძიებაში, მან შესაძლოა ადამიანის დასახლებებთან ახლოსაც ჩამოინაცვლოს და შინაურ ფრინველს დაესხას თავს.

🐈 კავკასიური ტყის კატა (Felis silvestris caucasicus)
პარალელი