კარი მშრალად შეინახა - რა შეფასება დაუწერეს მამარდაშვილს "მალიორკასთან?"

ესპანური ლა ლიგის მორიგი ტურის შეხვედრაში გიორგი მამარდაშვილისგან მორიგი კარგი პერფორმანსი ვიხილეთ, სადაც "ვალენსიამ" შინ "მალიორკა" მიიღო.

"ღამურებმა" მეტოქის დამარცხება, მინიმალური სხვაობით, 1:0 შეძლეს.

სანაკრებო მატჩების შემდეგ გუნდში დაბრუნებულმა ქართველმა მეკარემ ძირითად შემადგენლობაში ადგილი შეინარჩუნა და კარის მშრალად შენახვაც მოახერხა.

29 ტურის შემდეგ "ვალენსია" ლა ლიგაში 31 ქულით მე-15 პოზიციაზე აღზევდა, გასავარდნი ზონისგან კი 4 ქულითაა დაშორებული.