კასპში, ერთ-ერთ სასტუმროში ბელორუსის მოქალაქე გარდაიცვალა – დაწყებულია გამოძიება 

კასპში, ერთ-ერთ სასტუმროში მამაკაცი გარდაცვლილი ნახეს, – არსებული ინფორმაციით, ის ბელორუსის მოქალაქეა. 

როგორც ირკვევა მამაკაცი, კასპის ერთ-ერთ ფერმაში მუშაობდა. 

“მეცხოველეობის ფერმაში მუშაობდა. ნასვამი იყოო და აუზში ჩამხტარა. გული გაუჩერდაო”, – უთხრეს “მოზაიკას”. 

შსს-მ გამოძიება 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს.