კიბერშეტევა საფრანგეთის სუპერმარკეტებზე - მილიონობით ევროს პროდუქტი გადასაყრელია

კიბერშეტევა შეეხო სუპერმარკეტებისა და ჰიპერმარკეტების ქსელების, Coopérative U-ს, Intermarché-ის, Netto-ს, Carrefour-ის და Monoprix-ის მაღაზიებს.

სავაჭრო ქსელების მონაცემების მიხედვით, დაზარალებულია 400-მდე სუპერმარკეტი საფრანგეთში არსებული დაახლოებით 15 000-დან.

ჰაკერების სამიზნე იყო დანიური კომპანია Danfoss-ის პროგრამული უზრუნველყოფა, რომელსაც სავაჭრო ქსელები იყენებენ სამაცივრე დანადგარების დისტანციური მართვისთვის.

Danfoss-მა განაცხადა, რომ კიბერშეტევამ დააზიანა დანადგარების მოძველებული მოდელები, რომელთა უსაფრთხოების პროგრამული უზრუნველყოფა შეუძლებელი იყო. კომპანიის თანახმად, საწარმოებს დიდი ხანია ურჩევს სისტემების განახლებას

კიბერშეტევას საფრანგეთის პროკურატურა იძიებს.