კობახიძის თხოვნა, უარი – კალაძეს და კრიტერიუმი, რითიც ყაველაშვილი შეირჩა – მედია

5

ტვ პირველის ინფორმაციით, სანამ დღის წესრიგში უდიპლომო დეპუტატის პრეზიდენტად დასმა გადაწყდებოდა, “ქართული ოცნების” საპატიო თავმჯდომარეს, არაღიარებული მთავრობის მეთაურმა, ირაკლი კობახიძემ თბილისის მოქმედი მერის, კახა კალაძის კანდიდატურა შესთავაზა.

კობახიძის არგუმენტი იყო, რომ კალაძეს მერობის ვადა ეწურება და ხალხშიც “ოცნების” სახეებს შორის ყველაზე მეტი მოწონების მაჩვენებელი აქვს.

როგორც წყარო “შაბათის ეთერთან” ამბობს, ივანიშვილმა ირაკლი კობახიძეს უთხრა, რომ “მოიფიქრებდა”, თუმცა რამდენიმე დღეში გამართულ შეხვედრაზე ოლიგარქმა კობახიძეს უთხრა, რომ “მისი რჩევა გაითვალისწინა და კანდიდატად ფეხბურთელის დასახელება გადაწყვიტა”, ოღონდ ეს არა კახა კალაძე, არამედ მიხეილ ყაველაშვილი იყო.