3 days ago
8
"მანჩესტერ სიტიმ“ გადაწყვეტილება მიიღო და ახალგაზრდა არგენტინელი ფორვარდი, კლაუდიო ეჩევერი, ერთი წლით გაანათხოვრა გერმანიის ბაიერ "ლევერკუზენს“. ინფორმაციას ჟურნალისტი ფლორიან პლეტენბერგი ავრცელებს.
ტრანსფერი გამოსყიდვის უფლებას არ ითვალისწინებს, რაც იმას ნიშნავს, რომ 19 წლის ფეხბურთელი სეზონის დასრულების შემდეგ აუცილებლად "სიტის“ შემადგენლობაში დაბრუნდება. უახლოეს დღეებში ეჩევერი სამედიცინო შემოწმებას გაივლის და ოფიციალურად შეუერთდება ბუნდესლიგის მოქმედ ჩემპიონს.
მოგეხსენებათ, არგენტინელი ტალანტი "მანჩესტერ სიტიმ“ 2024 წლის თებერვალში "რივერ პლეიტიდან“ გადაიბირა. ახლა კი "ლევერკუზენში“ მას საშუალება ექნება სათამაშო პრაქტიკა რეგულარულად მიიღოს და გამოცდილება ევროპის ერთ-ერთ უმაღლეს დონეზე დააგროვოს.
გერმანულ კლუბში ეჩევერის გადასვლა გულშემატკივრებში დიდი ინტერესით მიიღეს — მათ მიაჩნიათ, რომ ახალგაზრდა არგენტინელი "ფარმაცევტების“ უკვე ძლიერ შეტევას დამატებით სიმძლავრეს შესძენს.
English (US) · 
Georgian (GE) ·