ლვოვში იმართება ევროკავშირის საგარეო მინისტრების არაფორმალური შეხვედრა

ევროკავშირის უმაღლესმა წარმომადგენელმა საგარეო და უსაფრთხოების საკითხებში კაია კალასმა გუშინ განაცხადა, რომ შეხვედრაზე მიიღებენ პოლიტიკურ გადაწყვეტილებას უკრაინის წინააღმდეგ ჩადენილ სამხედრო დანაშაულებზე საერთაშორისო ტრიბუნალის შექმნაზე.

მისი სიტყვებით, ძირითადმა ჯგუფმა შეთანხმებას მიაღწია ტექნიკურ დონეზე, თუ როგორ უნდა შეიქმნას ტრიბუნალი. ახლა უკვე არსებობს თანხმობა პოლიტიკურ დონეზეც, დღეს ლვოვში მყოფ საგარეო მინისტრებს ევროპული საბჭოს გენერალური მდივანი ვიდეოზარის მეშვეობით უნდა შეუერთდეს ამ საკითხზე სამსჯელოდ, როგორც ეს კაია კალასმა განაცხადა.

დღესვე იგეგმება უკრაინის თავდაცვის ინდუსტრიისთვის 1 მილიარდი ევროს გამოყოფის შესახებ განცხადებაც.

თავის მხრივ, საფრანგეთის საგარეო საქმეთა მინისტრმა ჟან-ნოელ ბარომ დღეს, 9 მაისს, განაცხადა, რომ საფრანგეთი გაყინული რუსული აქტივებიდან მიღებულ შემოსავალს გამოიყენებს, მანამდე უკრაინის არმისთვის გადაცემული თვითმავალი საარტილერიო დანადგარების, Caesar-ის შეკეთებასა და მომსახურებაზე.