21 hours ago
3
წმინდა დოდო გარეჯელის სახელობის ტაძარში, მამა თეიმურაზის დაბადების დღეს, ჩაბრძანდა ღვთისმშობლის ხატი, რომლის წერაც ხატმწერს ამ ტკბილი მოძღვრის გარდაცვალებამდე ჰქონდა დაწყებული. ხვალიდან ხატი დიდი ჩაილურის ღვთისმშობლის შობის ტაძარში დაივანებს. როგორც მოგვწერეს, ხატი დაიწერა “მართლმადიდებლური გვერდის” გამომწერებისა და კეთილი ადამიანების შეწირულობითა და დახმარებით. ხატი კი დაწერა ხატმწერმა დიანა კიკაბიძემ.
“ღვთისმშობლის ხატი, რომლის შექმნაც მამა თეიმურაზის სიცოცხლეში დაიწყო და მის დაბადების დღეს, 11 დეკემბერს ჩამობრძანდა ჩვენს ეპარქიაში, ხვალ 21 დეკემბერს წაბრძანდება სოფელ დიდ ჩაილურში.
ხვალიდან, სამუდამოდ დაივანებს ხატი დიდი ჩაილურის ღვთისმშობლის შობის ტაძარში.
ვისაც სურვილი გაქვთ, შეგიძლიათ გააცილოთ დედა ღვთისმშობლის ხატი წმ. დოდო გარეჯელის ტაძრიდან დაახლოებით 09:30 სთ-ზე. დიდ ჩაილურში ხატს დახვდება მამა გიორგი და წირვის შემდეგ შესრულდება პარაკლისი.
შეგეწიოთ დედა ღვთისმშობელი” – წერია წმინდა დოდო გარეჯელის სახელობის ტაძრის ფეისბუქ გვერდზე.
მღვდელი თეიმურაზ ქორიძე 21 აგვისტოს მოულოდნელად გარდაიცვალა. დიდი ჩაილურის ღვთისმშობლის შობის სახელობის ტაძრის წინამძღვარი, 24 აგვისტოს, წმინდა დოდო გარეჯელი სახელობის საკათედრო ტაძრის ეზოში დაკრძალეს…
11 დეკემბერს მამა თეიმურაზი 31 წლის გახდებოდა… ამ დღეს მისი ლექსების კრებულის პრეზენტაცია შედგა…
The post “მამა თეიმურაზის დაბადების დღეს ჩამობრძანდა ღვთისმშობლის ხატი, რომლის შექმნაც მის სიცოცხლეში დაიწყო” – სიყვარულის მოძღვარი 31 წლის გახდებოდა appeared first on TTimes.GE.
English (US) · 
Georgian (GE) ·