მამარდაშვილი მატჩის გმირი გახდა - ქართველის ბრწყინვალე ასპარეზობამ "ღამურებს" ვერ უშველა

ესპანეთის ლა ლიგის 36-ე ტურში "ალავესმა" საკუთარ მოედანზე "ვალენსიას" უმასპინძლა და დაძაბულ შეხვედრაში მინიმალური ანგარიშით – 1:0 გაიმარჯვა. მატჩის ერთადერთი და გადამწყვეტი გოლი 60-ე წუთზე ლუის რიოხამ გაიტანა, რომელმაც შორეული დარტყმით მამარდაშვილი ძლიერად დაამიზნა და გამარჯვება "ალავესს" მოუტანა.

მიუხედავად დამარცხებისა, მატჩის საუკეთესო მოთამაშედ ქართველი მეკარე გიორგი მამარდაშვილი დასახელდა. 23 წლის კიპერმა უმაღლეს დონეზე იასპარეზა და 5 სეივი (მოგერიება) შეასრულა, მათ შორის რამდენიმე ურთულესი დარტყმა აიღო. Sofascore-ის შეფასებით, მამარდაშვილმა შეხვედრა 7.6 ქულით დაასრულა — ეს ორივე გუნდში საუკეთესო მაჩვენებელი იყო.

მამარდაშვილი სეზონის ერთ-ერთი გამორჩეული მეკარეა ლა ლიგაში. მას მიმდინარე სეზონში უკვე 12 მატჩი აქვს "მშრალად" შენახული. მისი საშუალო რეიტინგი კი თითქმის ყველა წამყვანი სტატისტიკური პლატფორმის მიხედვით 7.0-ს აჭარბებს.

"ვალენსია" ლა ლიგის ცხრილში 48 ქულით მე-9 ადგილზე იმყოფება და ევროპულ ზონაში მოხვედრის შანსს რეალურად უკვე კარგავს. დარჩენილ ორ ტურში გუნდი "ჟირონასა" და "სელტას" დაუპირისპირდება.