მანჩესტერ იუნაიტედი ბელგიელ მეკარესთან მოლაპარაკებების საბოლოო ეტაპზეა

„როიალ ანტვერპის“ მეკარე სენე ლამენსი დღევანდელ შეხვედრაში განაცხადშიც კი არ მოხვდა, რადგან მისი ტრანსფერის საკითხი „მანჩესტერ იუნაიტედთან“ აქტიურ ფაზაშია - ინფორმაციას ამის თაობაზე ფაბრიციო რომანო ავრცელებს.

ბელგიელმა კიპერმა უკვე მიაღწია პირად შეთანხმებას ინგლისურ კლუბთან - ახლა კი გუნდებს შორის ტრანსფერის თანხაზე მიმდინარეობს მოლაპარაკება, რომელიც მალე საბოლოოდ უნდა დაზუსტდეს.

გარიგება მნიშვნელოვნად წინ არის წასული და როგორც ცნობილი გახდა, მის ოფიციალურ გაფორმებას უახლოეს პერიოდში უნდა ველოდოთ.