მანჩესტერ იუნაიტედს ლეჩედან დანიელი მცველის შეძენა სურს

მანჩესტერ იუნაიტედი იტალიურ კლუბ ლეჩეს დანიელი უკანახაზელის, პატრიკ დორგუს თაობაზე დაუკავშირდა, რომელსაც ახლავე სურს, რომ იუნაიტედს შეუერთდეს.

როგორც ირკვევა, ინგლისური კლუბი ლეჩეს უკვე დაუკავშირდა, რათა ფასის შესახებ ინფორმაცია მიეღო, - დორგუ 40 მილიონ ევრომდე ფასობს.

ასევე, დაიწერა ისიც, რომ მანჩესტერის სიაში ნუნო მენდეში და მილოშ კერკეზიც იყვნენ, თუმცა მათმა სიძვირემ ტრანსფერები გამორიცხა.

პატრიკ დორგუს მიმდინარე სერია A-ს სეზონში 20 თამაში აქვს ჩატარებული, 3 გოლი და 1 საგოლე გადაცემა.