მანჩო გიორგობიანს ფსიქიატრიულ ექსპერტიზას ჩაუტარებენ

საქალაქო სასამართლოში ჯგუფური ძალადობის ორგანიზებისა და მასში მონაწილეობის ფაქტზე დაკავებული “ქართული ოცნების” მხარდამჭერის, მანჩო გიორგობიანის პროცესი მიმდინარეობს – საქმეს მოსამართლე არსენ კალატოზიშვილი იხილავს.

ცნობილია, რომ მანჩო გიორგობიანის მიმართ ბრალდების მხარემ ფსიქიატრიული ექსპერტიზა დანიშნა.

“პროკურატურამ ფსიქიატრიული ექსპერტიზა დანიშნა, რაც შეეხება აღკვეთის ღონისძიებას, დაცვის მხარე ამის შესახებ პროცესზე გავაჟღერებთ”, – განაცხადა გიორგობიანის  ადვოკატმა, რომელიც მას სახაზინო წესით დაენიშნა.

2 ნოემბერს, გვიან ღამით, სუპერმარკეტ “სპარში” ორ თანამშრომელს ფიზიკურად გაუსწორდნენ. სამართალდამცავებმა ჯგუფური ძალადობის ორგანიზებისა და მასში მონაწილეობის ფაქტზე “ქართული ოცნების” მხარდამჭერი, მანჩო გიორგობიანი. დაკავებულია კიდევ 5 პირი.