მარგვეთმა იმერულ დერბიში ტყიბულის ორბს ზეტაფონში სძლია

სუპერლიგის რეგულარული ჩემპიონატი დასასრულს უახლოვდება. დარჩენილია 3 ტური, რომლის შემდეგაც უმაღლესი ლიგის მონაწილე 11 გუნდი ცხრილში საბოლოოდ გადანაწილდება. გაირკვევა 8 საუკეთესო, რომლებიც საპრიზო ადგილებისთვის ბრძოლას პლი ოფში გააგრძელებენ და გაირკვევა გუნდი, რომელიც პირდაპირ დატოვებს სუპერლიგას, ასევე ის, ვინც ლიგაში ადგილს საკვალიფიკაციო რაუნდში დაიცავს.

რა როგორ იქნებ, რთული სათქმელია. ამიტომ უნდა მივყვეთ და ყველაფერზე პასუხს თამაშების შედეგები გასცემენ. დღეს დაიწყო მე-20 ტური, რომლის პირველი მატჩი ზესტაფონში ჩატარდა. სამეულში მოსახვედრად მებრძოლმა მარგვეთმა იმერულ დერბიში სუპერლიგაში დასარჩენად მებრძოლი ტყიბულის ორბი მიიღო და 101:92 (სტატისტიკა) დაამარცხა.

ორმა იბრძოლა, მოგების შანსიც ჰქონდა, მაგრამ ბოლო პერიოდში ძალები აღარ ეყო. მეორე წრის დაწყებისას ორბი განწირულს ჰგავდა, მაგრამ დიდი ბრზოლის ხარჯზე თამაშები მოიგო და ბოლო ადგილიდან დაიძრა. ეს მატჩი რომ მოეგო, ორბი ფაქტობრივად გაინაღდებდა სუპერლიგიდან პირდაპირ გავარდნის თავიდან აცილებას. მოგეხსენებათ, სუპერლიგას რეგულარულ ჩემპიონატში ბოლო ადგილზე გასული გუნდი ტოვებს.

ამ წაგებით ორბი გაუთანაბრდა კონკურენტებს (კსუ-ს, ამრს) და დარჩენილ 2 ტურში დიდი ბრძოლა, ნერვიულობა და ცხრილის გადათვლები მოუწევს. ზესტაფონელებმა კი ამ მოგებით სამეულში შესასვლელად მოზრდილი ნაბიჯი გადადგეს. მოგეხსენებათ, ცხრილში მაღლა მყოფი გუნდი პლეი ოფში მეტოქესთან მოედნის უპირატესობას ფლობს.

მე-20 ტურის მორიგ მატჩები თბილისსა და ბათუმში 5 აპრილს გაიმართება. კსუ ვსა-ს უმასპინძლებს, ამრა – ქუთაისს. ბათუმში, ადგილობრივ გუნდთან რაში ითამაშებს.