"მასთან ხშირად ვლაპარაკობ, პსჟ-ში ტრანსფერზე კი ვუთხარი.." - ოსიმენი კვარას მომავალზე

ხვიჩა კვარაცხელიას ყოფილმა თანაგუნდელმა ვიქტორ ოსიმენმა ქართველი ფეხბურთელის პსჟ-ში ტრანსფერზე ისაუბრა.

"კვარაცხელიასთან ხშირად ვლაპარაკობ და მან ეს ყველაფერი დაიმსახურა. როცა პსჟ-ში გადავიდა ვუთხარი: ეს დაიმსახურე, პარიზში წადი და სიამოვნება მიიღე, ვიცი, რომ საოცარ რაღაცეებს გააკეთებ. მასთან ბრწყინვალე ურთიერთობა მაქვს - ხვიჩა არის ფეხბურთელი, რომელსაც შეუძლია ბევრს მიაღწიოს", - განაცხადა ოსიმენმა.

ცნობისთვის, პსჟ-ს მაისურით ჩატარებულ 14 მატჩში ხვიჩამ თავი 2 გოლითა და 4 საგოლე გადაცემით გამოიჩინა.