radiotavisupleba ახალი ამბები 
„ვაჟნიე ისტორიისა“ და „ვერსტკის“ ცნობით, 2024 წელს უკრაინის შეიარაღებული ძალების შეჭრის დროს კურსკის ოლქის სასაზღვრო ზონაში, სულ მცირე, 77 ახალწვეული დაიღუპა.
კიდევ 30-ზე მეტი ადამიანი ითვლება უგზო-უკვლოდ დაკარგულად. ჟურნალისტები ვარაუდობენ, რომ დროთა განმავლობაში ისინიც დაღუპულებად გამოცხადდებიან. უგზო-უკვლოდ დაკარგული პირები დღესაც მიიჩნევიან დაღუპულებად - ბოლო ცნობილი შემთხვევა 2026 წლის მაისში მოხდა.
გამოცემების ცნობით, შემოდგომის გაწვევის ახალწვეულებმა კურსკის ოლქის საზღვარზე ჩასვლა 2024 წლის მარტის ბოლოს დაიწყეს. ისინი საყრდენ პუნქტებში მსახურობდნენ კონტრაქტით დაკავებულ ჯარისკაცებთან და მობილიზებულ პერსონალთან ერთად. თუმცა, ჟურნალისტების წყაროების ცნობით, წვევამდელები ბევრ პოზიციაზე შეადგენდნენ პირადი შემადგენლობის უმრავლესობას - 50-დან 85%-მდე.
უკრაინის შეიარაღებული ძალების კურსკის ოლქზე თავდასხმის დროს რუსი წვევამდელები სუჯის სასაზღვრო გამშვებ პუნქტზე, ასევე ნიკოლაევო-დარიინოს, სვერდლიკოვოს, ოლეშნიას და სხვა სოფლებში იყვნენ განლაგებული.
უკრაინის არმია რუსეთის კურსკის ოლქში 2024 წლის აგვისტოში შევიდა. უკრაინამ რამდენიმე სოფელზე დაამყარა კონტროლი, თუმცა 2025 წელს რუსეთის ჯარებმა მოახერხეს ტერიტორიის დაბრუნება.
