მთის ბოყვი, იგივე მთის ნეკერჩხალი (Acer pseudoplatanus)

სააგენტო "პარალელი"
მთის ბოყვი, იგივე მთის ნეკერჩხალი (Acer pseudoplatanus)

ველური ბუნების ეროვნული სააგენტო მორიგ საინტერესო მასალას აქვეყნებს. ამჯერად გაიცანით საქართველოს ფლორის წარმომადგენელი მთის ბოყვი, იგივე მთის ნეკერჩხალი (Acer pseudoplatanus)

იცოდით, რომ საქართველოს ტყეებში 40 მეტრამდე სიმაღლის ნამდვილი ბუნებრივი გიგანტი იზრდება?

გაიცანით მთის ბოყვი, იგივე მთის ნეკერჩხალი (Acer pseudoplatanus). მას აქვს ლამაზი გუმბათისებრი ვარჯი, სწრაფად იზრდება და ჩრდილის ამტანია, რის გამოც ხშირად აშენებენ ბაღ-პარკებსა და ქუჩებში.

საქართველოში ძირითადად დასავლეთ, იშვიათად კი აღმოსავლეთ საქართველოს შერეულფოთლოვან და მუქწიწვოვან ტყეებში, მდინარისპირა ტერასებზე, ხეობებსა და ხევებში იზრდება. გადამოწმებული ბოტანიკური ცნობებით, გაზაფხულზე მისი ტკბილი წვენისგან (შაქრის ნეკერჩხლის მსგავსად) სიროფისა და სასმელის დამზადებაც შეიძლება, ხოლო მისი ფრთიანი თესლები ქარში ვერტმფრენივით ტრიალით ვრცელდება. გარდა ამისა, გამოირჩევა მაგარი, მკვრივი თეთრი მერქნით, რომელიც გამოიყენება ავეჯისა და მუსიკალური ინსტრუმენტების დასამზადებლად, და წარმოადგენს ძალიან კარგ თაფლოვან მცენარეს, რომელიც ფუტკრებს უხვ ნექტარსა და ყვავილის მტვერს აძლევს.

მთის ბოყვი, იგივე მთის ნეკერჩხალი (Acer pseudoplatanus)
პარალელი