"მინდა გავხდე UFC-ში პირველი, რომელიც.." - ილია თოფურიას დაპირება გულშემატკივარს

ილია თოფურიამ შერეული ორთაბრძოლების სამყაროში იმხელა ტემპით იჭრა და სიმაღლეებზე ავიდა, რომ უკვე მისგან გულშემატკივარი ყველაფერს ელოდება.

სულ რაღაც წელიწადნახევარში "მატადორმა" ჯერ ქვემსუბუქ, შემდეგ კი მსუბუქ წონით დივიზიონში UFC-ის ჩემპიონობა მოიპოვა — თანაც იმ ლეგენდების დამარცხებით, როგორებიც არიან ალექსანდრ ვოლკანოვსკი, მაქს ჰოლოუეი და ჩარლზ ოლივეირა.

სანამ მსუბუქი წონის ტიტულის დასაცავად ოფიციალური მეტოქე გამოჩნდება, ან UFC-ის ხელმძღვანელები მას მესამე დივიზიონის ქამრისთვის ბრძოლას შესთავაზებენ, თოფურია მზად არის ახალ გამოწვევებს შეეჭიდოს. მისი ბოლო განცხადება ამის ნათელი დასტურია:

"ყოველთვის შემართებას ვინარჩუნებ და ახლაც მსურს საკუთარ თავს ახალი მიზანი დავუსახო. სავსებით შესაძლებელია და ძალიან მინდა გავხდე UFC-ის პირველი მებრძოლი, რომელიც კრივში მსოფლიოს ჩემპიონობას მოიპოვებს. სპორტის ამ სახეობის ხელმძღვანელებს მოვუწოდებ, ჩემს სიტყვებს სერიოზულად მოეკიდონ — მზად ვარ გულშემატკივარს დაუვიწყარი შოუ შევთავაზო.“

თუ თოფურია მართლაც კრივის ასპარეზზე გადაინაცვლებს, MMA-ის ისტორიაში შესაძლოა სრულიად ახალი თავი ჩაიწეროს — თავი, სადაც "ელ მატადორი“ ორმაგ ჩემპიონობაზე არ ჩერდება და რინგზეც იპოვებს გზას მწვერვალზე.