"მიქაუტაძის ყველა მაისური და ნაკრების ფორმაც მაქვს" - ქართველი ფორვარდის დიდი ფანი მეციდან

20 წლის ნიკოლას ჰანესე ქალაქ მეცში ცხოვრობს – ქალაქში, სადაც ფეხბურთი განსაკუთრებულად უყვართ და გუნდის თამაშებზეც სტადიონი ყოველთვის სავსეა.

სწორედ აქედან იწყება მისი ისტორია, რომელიც ქართულ ფეხბურთთანაა დაკავშირებული.

მისი ერთგულება ქართველის კარიერულ გზას თან გაჰყვა – ბელგიური "სერენიდან" ისევ "მეცში“, შემდეგ კი "აიაქსსა“ და "ლიონში“.

მიუხედავად იმისა, რომ მიქაუტაძეს უკვე ევროპის მასშტაბით მასობრივად იცნობენ და ლიონში გუნდის ლიდერად ჩამოყალიბდა, იგი დღემმდე ყველაზე ძველ და ერთგულ გულშემატკივრად მიიჩნევს თავს

"ფეხბურთზე ხშირად არ დავდივარ, უბრალოდ გულშემატკივარი ვარ. ჟორჟის ყველა კლუბის მაისური მაქვს და ნაკრების ფორმაც. მისი ყველა თამაშს ვუყურებ. ძალიან მინდა, მას პირადად შევხვდე,“ – ამბობს ნიკოლასი "ლაგაზეტასთან" საუბარში.

ჰანესეს დიდი მიზანია, რომ მეციდან ლიონამდე 460 კილომეტრი გაიაროს, რათა კუმირს პირადად შეხვდეს. მიუხედავად იმისა, რომ დღეს მიქაუტაძეს უკვე ათასობით ქომაგი ჰყავს, მის კარიერას ერთგულად გვერდით მაინც სწორედ ის, ნიკოლას ჰანესე, უდგას.