მიხეილ თუმანიშვილი დემოკრატიაზე

რეჟისორმა მიხეილ თუმანიშვილმა არაჩვეულებრივი სპექტაკლების გარდა, საოცარი ჩანაწერებიც დაგვიტოვა.

“არტ ინფო” გიზიარებთ ამონარიდს მისი ერთ-ერთი წერილიდან, რომელიც სახელმწიფოსა და დემოკრატიას ეძღვნება:

“ვიღაცამ პირველმა დახუჭა თვალი სახელმწიფო დანაშაულზე საკუთარი სარგებლობის გამო და როცა უნდა ეთქვა “არა”, თქვა “კი”. დემოკრატია გაიყიდა. ასე იყიდება სისტემა. მეთოდი. ცნებები. რწმენა. მერე ყველაფერი გაცილებით ადვილია… ყველაფერი გარშემო სიყალბემ მოიცვა. ხეპრეობა ისე აყვავდა, ვით სარეველა ბოსტანში. ჩვენ კი გვიხარია: ეს რა მოსავალი მოსულაო.”